رأي حر

أشكون قال إلا هي غلطة ؟؟ليس بغريب أن تكون صفقة مسبقة الدفع باش يجربوا في أولادنا.وقتاش حسبونا عباد ؟فساد يحمي الفساد .لا مبالاتكم تحمي الفساد .سيبتوهم يرتعوا فيها وتلهيتوا بعلاء وخوه ونوفل واصحابو وشلة أمين …كل كلمة على السياسة وعلى كيفاش تغير واقعك سكرت عليها وذنيك ,لاهي بولد عواطف وولد مفيدة ..المسؤول على حياتك وعلى خبزتك هو السياسي .يحددلك دواك ولبستك وشهريتك وقرايتك وخدمتك ووووو يحددلك كل شي .أش عملت انت ؟؟قلت و”الله لا ني ماشي ننتخب ” .صحيت يا بطل .تو كيف انت ما تمشيش السياسي الفاسد تو يحشم ويمشي على روحو .أحسن كلمة ترن في وذنين الفاسد سياسي كان او غيره .وقت المواطن يقول “والله لا عاد لاهي بيهم” .يشيخ ويمكن يولي يشطح .كيف واحد يحكي معاكم .جوابكم ساهل :وريني واحد يصلح خلي ننتخبوه .علاش ؟؟ وصي عليك أنا ؟؟واشكون قالك الا انا باش نكون صادق معاك ؟؟.حياتك وانت تقررها .أعطيها شوية من وقتك .إسهل وفركس واسمع الناس الكل واختار وحدك وفي جميع الحلات ما تسلمش .كيف تسلم باش تخلصوا كاش .قراية ولادك تضيع, يعطيوك دواء يقتلوك ,ماكلتك ,أمنك ,حياتك معادش مضمونة ومعادش بيدك .زيد اتلهى بولد عواطف وبعد روح بولدك في كرذونة . كما تكونون يولى عليكم .شعب يحمي في الفساد ويغني “يحباني يح يحباني”.زيد قول ما يهمنيش .قلتها قبل ونعاودها :السياسة حتى ما تتلهاش بيها هي الا تتلهى بيك وهاك توشف بعينيك.

#حافظ الخذيري#